ZOMI YouTube Application

ZOMI YouTube Application

Zomi te sung pan YouTube zang a mipi te phattuam na ding ahi (Pawlpi pan hunzatna, Mipi Tha piakna <motivation>, News Thu tangkona, Worship La, La, Training piakna, kipawlna tuamtuamte thu pulakna,  etc ) cihte khempeuh Application (Android) khat sung pan et theih nading bawlnuam ih hih man in, tua sung ah ih ki hel nopleh anuai a akisam teng nong piak na ding un hong zawn nuam ing.

(1) Min (min neu zong ngah) , omna Gam, Phone leh Fb account

(2) na YouTube Channel ID (a nuai ah, nam 4 in ki la thei hi)

(3) Menu ah na suah sak nop Min (e.g ZZZ Thu Thang) (e.g USA ZAC Pawlpi) (Kawlpi Tahan A.G Pawlpi)  (e.g Thang Tawng Worship La) (e.g Kap Pi Thapiakna) (Cin Pi Motivation) etc. hih ih at pen miten amuh phet in ah, ih YouTube pen bang nam hi ding cih a ki tel pah nading ahihi.

(4) Tua menu ah aki suang ding Lim (Photo) 1

Cih te pen (+95) 9400458415 (Viber) (WhatsApp) ah ahi zongin 
Facebook Messenger: Luan Dim Lcci 
te ah ahi zong in hong khak thei uh teh. 

(*** A tung a nam 4 kicing lo pen, ki ngahlo hi) 
***messenger, Viber, WhatsApp te pan (nam 4 aki cing in) hong khat suk pah ziau in, Hy ci a kong reply ding ngah kei le teh 😃. A kisam aom leh hong gen kik zaw ding hi. 

Tu zawh kha 1 maa in a version 1 na aki ngah theih na ding in ki hamciam ding hi. Aki ngah ciang in Google Play ah kikoih ding a, leitung Gam tuamtuam pan in ki download thei ding hi.

Phattuam na.

Na YouTube pen Zomi ten hong thei ziau ding, en thei ziau ding.

Na YouTube pen et nop hunhun a, zong zong kulo a ki en ziau thei ding.

Na YouTube a en hong tam mahmah pah ding.

Phattuam loh na: 

Na Phattuam loh nading bang mah om vet lo hi. Aphattuam pihlo pen Application abawl te hizaw kha ding hi. Hi bang in kibawl na tawh na YouTube bangmah cilo ding hi. A en hong tamzaw ding ahih man in YouTube company te lungdam zaw pek ding hi.

Ngimna: 

YouTube pan in ih et nop te ol tak a et theih nading.

Adiakdiak in Zomipihte khantoh na ding in Han thawt na, Kideihsak na, Tha lak theihna pawlkhat (Ih et nop te) YouTube pan in ol tak in ki en, ki ngai thei ding cih ngimna bulpi hi.

Ciapteh ding:

Ih youtube ah ih khah te pen mipi ading phatuam na aom hi ding hi.

A hun sial in khah khia zel zo ding.

Application khat ah aki koih thei pen (Kiciang tan) hi.

Tun a masa lam in, hong ki ap khem peuh ki guang sak khin ding hi.

Mailam ah a guang nuam hong tam a ahih leh mipi ading phattuamna aom zaw deuh te bek ki guang sak ding hi.

Aguang nuam tam a Application khat ah akitat kei a leh Anam zui in Application dang bawl kik ding hi. Ahih kei leh mipi phattuam pih zaw deuh te Amawkna in guang sak in, tua lo te guang man sum tawm kila thei khavding hi.

Min nong ap a ahih a leh atung a ciapteh ding teng theisa leh lungkim sa ci in kiciam teh pah ahihi.

YouTube Channel ID, lak dan ding a tuamtuam:

 1. i Phone Sung Pan:

2. Android Phone (i phone a hilo te) sung pan:

3. Tua dan na hih theih kei leh na YouTube a Post khat ii Link hong khat leh teh.

4. Computer sung pan lak dan.

Draft & Sample Apk (ZOMI YouTube Application Design)

Theih nop aom leh zong ki dong thei hi. Lungdam.
Gam le Minam ading maa pang khawm ni.

Deihsakna tawh, 
Sia Sing Pi