Hih pen Zomi te sung pan in Youtube zang a, amau theihna siamna pilna te akhak khia, ahawm sawn kik te aki kaihkhop na Application hi. Application min pen Khan Toh Na hi.
Application pen Android bek tawh ki ngah hi.
(A hi zongin i Phone te ading Facebook page pan in, Hi dan in Blog khat tawh List in zong ki bawl lai ding hi.)
Google Play Store ah koih ding pen lemlo hi.
Ban hang hiam cih leh YouTube account tamlua deihlo uh hi.
Play Store ah koih nop leh, Sum bei thuah ding, YouTube account nei te kiang pan Phalna Lai bawl a Google company ah va lak kul laiding ahih man hi.
Hih Zomi YouTube Video (Application) ki kaihkhop na ah, adiakdiak in,
Pilna, Siamna, Thiehna tuamtuam aki khah te deih mahmah ung. Bang hang hiam cih leh Zogam, Kawlgam, leh mun tuamtuam a aom ih Zomipih te sung pan in Sangkah ding aham sa, Pilna asin nop khat asin na ding ahamsa (khuapi pai ding ol lo) cih te ading in, amau aom na uh pan Pilna, Siamna, Theihna te sin in ngah in khantoh pih ding cih, ngimna hi.
Tua ahih man in:
Training tuamtuam, meh lim huan dan, Music, Politic, Electric, Personel development, IT, cih te leh tu lian a ih zat theih ding Pilna tuamtuam, Sum zon nasep dan, Ethic tuamtuam, ih Minam khantoh nading, ih Gam khantoh na ding cih Thu le La tuamtuam ki deihsak na te hong kihel thei leh uh mahmah lai ung.
Tua ahih man in anuai a Link a Latest Update Application na download in la, na (Android) phone sung ah na install in.
A tung Link na mek zawh ciang in ah, anuai a man te bang in pai in.
Download man khin leh install ding. (Na File sung ah Download file sung ah om hi.)
Tua install lai tak anuai a lai te hong dawk leh man sung a bang in na hih in.
***Hih pen Google Play ah aom lo Application khempeuh ah adawk ngeina hi.
Man sung a dan a ih hih kei leh ki install theilo ding hi.
Ban han hiam cih leh Virus, leh phone sung a data a gu ding Application ahih khak ding hong dopsak na hi.
Lungdam 😀😊
Talent tuamtuam nei a YouTube ah akhah te zong deih mahmah lai hang ei.
Comments
Post a Comment